Сафари рӯзноманигорон (Пресс-тур) ба МОИ «Суғд»

Бо ташаббуси Роҳбарияти Вазорати рушди иқтисод ва савдо 18 июли соли 2019 бо иштироки васеи намояндагони ВАО-и дохилию хориҷӣ (телевизионҳои Тоҷикистон, Сафина, Ҷаҳоннамо, АМИТ Ховар ва маҷаллаи Иқтисодчӣ) дар Минтақаи озоди иқтисодии (МОИ) «Суғд» Пресс-тур баргузор гашт

Дар  рафти сафар дар МОИ «Суғд» намондагони ВАО бо як қатор корхонаҳои дар минтақаи номбурда фаъолияткунанда (ҶСК «Ариана Металл Пласт», корхонаи муштараки «Силкоат бойя» ҶДММ «Арча», «Арча-Мебел» ва корхонаи истеҳсоли тирезаҳои пластикии «Равзана Пластик») шинос шуда, бо роҳбарону коршиносони корхонаҳо суҳбат намуданд. Корхонаҳои мазкур дар ҳоли ҳозир маҳсулоти баландсифат ва ба талаботи стандартҳои минтақаю ҷаҳон ҷавобгӯ истеҳсол намуда, натанҳо ба минтақаҳои гуногуни ҷумҳурӣ, балки ба дигар кишварҳои дуру наздик маҳсулоташонро содир мекунанд.

Умед аст кушишҳои субъектони МОИ ҷумҳурӣ дар амалисозии ҳадафи чорум-саноатикунонии кишвар мусоидат хоҳад намуд.

 Бояд қайд намуд, ки маъмуриятҳои МОИ бо ҷалби сармоягузорону дохилию берунӣ барои зиёд намудани ҷойҳои нави корӣ ва ғанӣ гардонидани буҷети давлатӣ пайваста кушиш менамоянд.