Фаъолияти минтақаҳои озоди иқтисодии Ҷумҳурии Тоҷикистон дар 3 моҳи соли 2021

 Дар 3 моҳи сорли 2021 дар минтақаҳои озоди иқтисодии ҷумҳурӣ ҳамагӣ 1 ширкати ватанӣ ҳакмчун субъект ба қайд гирифта шудааст. Шумораи умумии субъектҳои минтақаҳои озоди иқтисодӣ ҳамагӣ 73 ададро ташкил мекунад.

Дар 3 моҳи соли 2021 дар минтақаҳои озоди иқтисодии кишвар барои 115 нафар ҷойҳои нави корӣ таъсис дода шуда, шумораи умумии кормандон ба 1143 нафар рост меояд.

Вобаста ба истеҳсоли маҳсулоти саноатӣ дар минтақаҳо бояд иброз дошт, ки дар 3 моҳи соли 2021 ба маблағи 57,7 млн. сомонӣ маҳсулот истеҳсол карда шудааст. Дар минтақаҳои озоди иқтисодӣ аз оғози фаъолият то ба имрӯз ба маблағи 918,6 млн. сомонӣ маҳсулоти саноатӣ истеҳсол карда шудааст.

Ҳаҷми сармоягузорӣ дар минтақаҳои озоди иқтисодии кишвар дар 3 моҳи соли 2021 ба 10 млн. сомонӣ баробар гардид. Шумораи умумии сармоягузориҳо ба минтақаҳои озоди иқтисодӣ то имрӯз 1926, 3 млн. сомониро дар бар мегирад.